నాహం కర్తాః హరిః కర్తా తత్పూజా కర్మ చాఖిలం తదాపి మత్కృతా పూజా తత్ప్రసాదేన నా అన్యథా

Showing posts with label తాళ్ళపాక పెద తిరుమలాచార్యులు-అధ్యాత్మ సంకీర్తనలు. Show all posts
Showing posts with label తాళ్ళపాక పెద తిరుమలాచార్యులు-అధ్యాత్మ సంకీర్తనలు. Show all posts

Dec 2, 2008

గోవిందాశ్రిత గోకులబృందా

లలిత
గోవిందాశ్రిత గోకులబృందా
పావన జయ జయ పరమానందా. IIపల్లవిII

జగదభిరామా సహస్రనామా
సుగుణధామ సంస్తుతనామా
గగనశ్యామా ఘనరిపుభీమా
అగణితరఘువంశాంబుధి సోమా. IIగోవిందాII

జననుతచరణా శరణ్యశరణా
దనుజహరణ లలితస్ఫురణా
అనఘాచర ణాయత భూ భరణా
దినకరసన్నిభ దివ్యాభరణా. IIగోవిందాII

గరుడతురంగా కారోత్తుంగా
శరధిభంగ ఫణిశయనంగా
కరుణాపాంగా కమలాసంగా
వర శ్రీవేంకటగిరిపతిరంగా. IIగోవిందాII౧౫-౨౬౦

0 comments

కొసరి నీతోఁ బెనఁగి గునిసి మోక్ష మడుగ

లలిత
కొసరి నీతోఁ బెనఁగి గునిసి మోక్ష మడుగ
వెస నీబంట నింతే నీవే దిక్కు నాకు. IIపల్లవిII

బలిమి నీ బిడ్డఁడైన బ్రహ్మంతవాఁడనా
అల సముద్రుడు మామ యంత వాఁడనా
చలువైన నీ మఱఁది చంద్రునంతవాఁడనా
యెలమి నీతోఁ బుట్టిన యింద్రునంతవాఁడనా. IIకొసరిII

చనువున మీ తండ్రి కశ్యపునంతవాఁడనా
అనుజుఁ డైన లక్ష్మణునంతవాఁడనా
మనవికి మీ బావ ధర్మజునంతవాఁడనా
అనుఁగుఁ దాతయైన భీష్మునంతవాఁడనా. IIకొసరిII

మనికైన యల్లుఁ డభిమన్యునంతవాఁడనా
అనిరుద్ధుఁడు మనుమఁడంతవాఁడనా
ఘనుఁడ శ్రీవేంకటేశ కల్పించి నీ వాడించఁగా
పనిపూని మెలఁగేటి ప్రతిమను నేను. IIకొసరిII ౧౫-౪౩౨

0 comments

Dec 1, 2008

శిర సెత్తఁగదవయ్య శ్రీనారసింహా నీ

భూపాళం
శిర సెత్తఁగదవయ్య శ్రీనారసింహ నీ
సిరులెల్లా నేనే కానా శ్రీనారసింహ। IIపల్లవిII

చెలుల నంపితి వేల శ్రీనారసింహ నాకు
సెలవుల నవ్వు వచ్చె శ్రీనారసింహ
చెలువపు నిన్నుఁ జూచి శ్రీనారసింహ నీపై
చిలికితి మోహమెల్ల శ్రీనారసింహ। IIశిరII

చిత్తాన నిన్నుఁ దలచి శ్రీనారసింహ నే
చిత్తరు ప్రతిమ నైతి శ్రీనారసింహ
చిత్తవాన చెమటల శ్రీనారసింహ యేల
చిత్తిణి గుణము నీకు శ్రీనారసింహ। IIశిరII

శ్రీసతి నీ తొడ యెక్కె శ్రీనారసింహ నీవు
సేసవెట్టితి వాపెపై శ్రీనారసింహ
చేసన్న శ్రీవేంకటాద్రి శ్రీనారసింహ యింత
సేసి నన్నుఁ గూడితివి శ్రీనారసింహ। IIశిరII౧౫-౨౫౪

0 comments

అల్లనాఁడే కంటి వింటి నథోక్షజా

మాళవి

అల్లనాఁడే కంటి వింటి నథోక్షజా
అల్లుకొంటి విని చెలుల నథోక్షజా। IIపల్లవిII

అందు నిందు నీ యిర వథోక్షజా
అందాలు చెప్ప వచ్చే వథోక్షజా
అందరు నెఱుఁగుదురు యథోక్షజా మాకు
నందుకొని బా సిచ్చే వథోక్షజా। IIఅల్లII

అంగడి మొక్కువారమా అథోక్షజా నీకే
యంగము యీ నడవడి యథోక్షజా
అంగజముద్రలు నించే వథోక్షజా నీ
యంగనలుఁ గాదనేరా యథోక్షజా। IIఅల్లII

అసరాదు గాక నిన్ను నథోక్షజా కడు
ననుకాయెఁ బ్రియములు అథోక్షజా
అనుఁగు శ్రీవేంకటాద్రి యథోక్షజా మమ్ము
ననిశముఁ గూడితివి యథోక్షజా। IIఅల్లII ౧౫-౨౫౩

0 comments

పోకు పోకు మంత నీవు పురుషోత్తమా వట్టి

బంగాళం
పోకు పోకు మంత నీవు పురుషోత్తమా వట్టి
బూకలు మే మెఱుఁగమా పురుషోత్తమా। IIపల్లవిII

పొలసులాడకు నీవు పురుషోత్తమా నీ
పొల జాణతనాలు పురుషోత్తమా
పులుసు వేసి నీ చెంత పురుషోత్తమా నేము
పులు గరసితి మింత పురుషోత్తమా। IIపోకుII

పొడవాటి సటకాఁడ పురుషోత్తమా
పొడమె నీ మోవి నవ్వు పురుషోత్తమా
పుడిశెఁడే నీ సిగ్గు పురుషోత్తమా
పొడిరాలి రతులలో పురుషోత్తమా। IIపోకుII

పొద్దువొద్దు కొత్త లేల పురుషోత్తమా నీవు
బుద్దెఱింగినప్పు డయ్యీ పురుషోత్తమా
అద్దుకొని శ్రీవేంకటాద్రి పురుషోత్తమా నీది
బొద్దువంటి యుంగరము పురుషోత్తమా। IIపోకుII౧౫-౨౫౨

0 comments

Nov 30, 2008

అంతా నీకు లోనే అనిరుద్ధా మన

నాట
అంతా నీకు లోనే అనిరుద్ధా మన
యంతరంగ మొక్క టాయె ననిరుద్ధా । IIపల్లవిII

అడ్డమాడఁ జాలము నీ కనిరుద్ధా
అడ్డెఁ డమ్మీనాఁడు బోడి యనిరుద్ధా
అడ్డివెట్ట నింక నేల యనిరుద్ధా
అడ్డాఁక లెంచకుమీ యనిరుద్ధా। IIఅంతాII

అప్పటి వేఁడుకొనేవా అనిరుద్ధ నీకు
నప్పణ నే నిచ్చేనా యనిరుద్ధా
అప్పుడే విన్న వించనా అనిరుద్ధ వొద్ద
నప్పసమై వున్నదాన ననిరుద్ధా। IIఅంతాII

ఆయమెఱుఁగుదువోయి అనిరుద్ధా
ఆయెడనుండి వచ్చితి వనిరుద్ధా
ఆయితమై కూడితివి అనిరుద్ధా
ఆయనాయ శ్రీవేంకట యనిరుద్ధా। IIఅంతాII ౧౫-౨౫

0 comments

పంతము దప్పదు నీకు ప్రద్యుమ్నా

సాళంగనాట
పంతము దప్పదు నీకు ప్రద్యుమ్నా వొక్క
బంతిఁ గూడేవు సతుల ప్రద్యుమ్నా। IIపల్లవిII

బలబలఁ దెల్లవారె ప్రద్యుమ్నా యింక
బలిమి సేయ వచ్చేవు ప్రద్యుమ్నా
పలచనాయె సిగ్గులు ప్రద్యుమ్నా నీ
పలుసోకుల వలెనే ప్రద్యుమ్నా। IIపంతముII

పచ్చలాయె కట్టేవు ప్రద్యుమ్నా
బచ్చెన ప్రియాలు చూపి ప్రద్యుమ్నా
బచ్చుబేరాలసటల ప్రద్యుమ్నా నీ
పచ్చడ మంటించేవు ప్రద్యుమ్నా। IIపంతముII

పదరకు మింక నీవు ప్రద్యుమ్నా మా
బదుకు నీ చేతిది ప్రద్యుమ్నా
పదనై శ్రీవేంకటాద్రి ప్రద్యుమ్నా నన్నుఁ
బదిమారులు గూడితి ప్రద్యుమ్నా। IIపంతముII ౧౫-౨౫౦

0 comments

వాడిక లాయె నీ పొందు వాసుదేవుఁడా

గైళ
వాడిక లాయె నీ పొందు వాసుదేవుఁడా
వాడుదేరెఁ గెమ్మోవి వాసుదేవుఁడా। IIపల్లవిII

వాలుక చూపులు మావి వాసుదేవుఁడా మమ్ము
వాలాయించితివి నీవు వాసుదేవుఁడా
వాలారుగోళ్ళ నొత్తకు వాసుదేవుఁడా నీకు
వైళమె నవ్వు వచ్చును వాసుదేవుఁడా। IIవాడికII

వలపెల్లా మా సొమ్ము వాసుదేవుఁడా యింత
వలెనా మా తోడి రట్టు వాసుదేవుఁడా
వలుములు చన్నులంటా వాసుదేవుఁడా వట్టి
వళుకులఁ బెట్టకుమీ వాసుదేవుఁడా। IIవాడికII

వడదేరె శ్రీవేంకట వాసుదేవుఁడా యేల
వడిసేవు తరితీపు వాసుదేవుఁడా
వడిగొనఁ గూడితివి వాసుదేవుఁడా మన
వడు వెవ్వరికిఁ గద్దు వాసుదేవుఁడా। IIవాడికII ౧౫-౨౪౯

0 comments

తప్పని బొంకని యట్టి దామోదరా నాకు

భైరవి
తప్పని బొంకని యట్టి దామోదరా నాకు
దప్పిదేర మో వియ్యవో దామోదరా IIపల్లవిII

తరితీపుమాట లెల్ల దామోదరా నీకు
తరుణులు నేరిపిరా దామోదరా
దరిచేరె సంకు నీచే దామోదరా నీవు
తరగరివె తగు దామోదరా IIతప్పనిII

తగులు వీరి పందేల దామోదరా నీ
తగవు లేల చెప్పేవు దామోదరా
దగదొట్టి పలికేవు దామోదరా వెను
తగిలితి విందాఁక దామోదరా IIతప్పనిII

తల యెత్తు మా ముందర దామోదరా నీ
తళుకుమోవి చూచి దామోదరా
తలకొని కూడితివి దామోదరా యింక
తలఁగకు శ్రీవేంకటదామోదరా IIతప్పనిII ౧౫-౨౪౮

0 comments

బందుగుఁడ వన్నిటాను పదుమనాభ వట్టి

శంకరాభరణం
బందుగుఁడ వన్నిటాను పదుమనాభ వట్టి
బందెలు గట్టకు మమ్ము పదుమనాభ। IIపల్లవిII

పట్టిన చలపాదివి పదుమనాభ మమ్ము
బట్టబయలీఁదించేవు పదుమనాభ
పట్టితి బలిమి నన్నుఁ పదుమనాభ యింకా
బట్టము గట్టుకొనేవు పదుమనాభ। IIబందుII

పాటలు వాడేవు యీడ పదుమనాభ ఆ
పాటివారమా విన పదుమనాభ
పాటిగంప నీళ్ళు నించేవు పదుమనాభ బండి
బాటలాయె నీ గుట్టు పదుమనాభ। IIబందుII

పలికినట్టే యాయె పదుమనాభ
బలవంతుఁడవు నీవు పదుమనాభ
పలుమారుఁ గూడితివి పదుమనాభ యిదె
ఫలమా శ్రీవేంకట పదుమనాభ। IIబందుII ౧౫-౨౪౭

0 comments

ఇద్దరము నిద్దరమె హృషీకేశ

సామంతం
ఇద్దరము నిద్దరమె హృషీకేశ
యిద్దె సనకాన వచ్చె హృషీకేశ। IIపల్లవిII

ఏఁటికోయి మాతో హృషీకేశ
యీటు వెట్టేవు సతుల హృషీకేశ
యీటారదు మా పొందు హృషీకేశ నీపై
యేటి దియ్యమింక నేము హృషీకేశ। IIఇద్దII

ఇచ్చకు రాలను నేను హృషీకేశ నిన్ను
నెచ్చుకుందులాడఁ జాల హృషీకేశ
ఇచ్చితి వింత చనవు హృషీకేశ నీకు
నెచ్చరించే మరవకు హృషీకేశ। IIఇద్దII

యేల నీకు మఱుఁగులు హృషీకేశ
నీలాగునఁ గూడితివి హృషీకేశ
యేలితి శ్రీవేంకటాద్రి హృషీకేశ
యీ లీలనే వుండుమీ హృషీకేశ। IIఇద్దII ౧౫-౨౪౬

0 comments

చెప్పరాని మహిమల శ్రీధరా నీవు

శ్రీరాగం
చెప్పరాని మహిమల శ్రీధరా నీవు
చెప్పినట్టు చేసేము శ్రీధరా. IIపల్లవిII

చేరఁ దీసి నా కన్నుల శ్రీధరా నీ
జీరల మేను చూచితి శ్రీధరా
చేరువ సంతోష మబ్బె శ్రీధరా
చీరుమూరాడీఁ (?) దమి శ్రీధరా. IIచేరII

చెల్లు నన్నియును నీకు శ్రీధరా నీ
చిల్లర సతులు వారే శ్రీధరా
చెల్లఁబో ఆ సుద్ది విని శ్రీధరా నాకు
చిల్లులాయె వీనులెల్లా శ్రీధరా. IIచేరII

సేవలు సేసేము నీకు శ్రీధరా మమ్ము
జేవదేరఁ గూడితివి శ్రీధరా
చేవల్లకు రావోయి శ్రీధరా
శ్రీవేంకటాద్రిమీఁది శ్రీధరా। IIచేరII౧౫-౨౪౫

0 comments

వద్దు వద్దు సటలింక వామనా

పాడి
వద్దు వద్దు సట లింక వామనా
వద్దనే వున్నార మిదె వామనా। IIపల్లవిII

వరుసలు వెదకేవు వామనా నీవు
వరుఁడ విందరికిని వామనా
వరవాత వలపించి వామనా దే
వరవలె నున్నాఁడవు వామనా . IIవద్దుII

వనము కోగిల వైతి వామనా నీకు
వనితలు బాఁతి వామనా
వనరేరు గొల్లెతలు వామనా కా
వను వేళ చూచూకోమీ వామనా . IIవద్దుII

వాడవారు మొక్కేరు వామనా నీకు
వాదుదేరె కెమ్మోవి వామనా
వాదికె శ్రీవేంకటాద్రి వామనా
వాడేచెలమవు నీవు వామనా . IIవద్దుII౧౫-౨౪౪

0 comments

వేగిరించ కంతేసి త్రివిక్రము

ముఖారి
వేగిరించ కంతేసి త్రివిక్రము
సేగుఁ జుక్క రానీ త్రివిక్రమ IIపల్లవిII

వేసరించఁ జుమ్మీ త్రివిక్రమ నిన్ను
వీసమంత పనికే త్రివిక్రమ
వేసేవు పూవులను త్రివిక్రమా మేని
వేసురుఁ జెమటల త్రివిక్రమ IIవేగిII

వెన్నెలలో నవ్వకు త్రివిక్రమా కన్న
విన్న వారేమందురో త్రివిక్రమా
విన్నాణపు చేఁతల త్రివిక్రమా
వెన్నగారీ నీ మోవి త్రివిక్రమాIIవేగిII

వెడజారెఁ దురుము త్రివిక్రమా నన్ను
విడిదిలోఁ గూడితి త్రివిక్రమా
విడువ శ్రీవేంకటత్రివిక్రమా నీ
విడిముడి మెట్టితి త్రివిక్రమా IIవేగిII ౧౫-౨౪౩

0 comments

మానరాని చుట్టమవు మధుసూధనా నీ

రామక్రియ
మానరాని చుట్టమవు మధుసూదనా నీ
మానినిఁ జుమ్మీ నేను మధుసూదన। IIపల్లవిII

మఱువకుమీ మా పొందు మధుసూదనా యింకా
మఱుఁగులేని మనకు మధుసూదనా
మఱి యేమి చెప్పేవు మధుసూదనా యే
మఱక మ మ్మేలుమీ మధుసూదనా। IIమానII

మడచి యా కిచ్చె నింద మధుసూదనా మేన
మడుగులాయె చెమట మధుసూదనా
మడిదొసకులు గావు మధుసూదనా నాకు
మడుక పన్నాయె మేలు మధుసూదనా। IIమానII

మందెమేళ మాయె రతి మధుసూదనా గొల్ల
మంద లెల్ల నీ సుద్దులే మధుసూదనా
మందు చల్లి కూడితివి మధుసూదనా మా
మందిరము శ్రీవేంకట మధుసూదనా। IIమానII ౧౫-౨౪౨

మడిదొసకులు=?
మడుక పన్నాయె=?

0 comments

చతురుఁడ వన్నిటాను జనార్దనా మమ్ము

వరాళి

చతురుఁడ వన్నిటాను జనార్దనా మమ్ము
సతముగా నేలితివి జనార్దనా IIపల్లవిII

సమ మోహాలు మనవి జనార్దనా యిట్టె
జమళి నున్నార మిదె జనార్దనా
సమకూడెఁగా లెస్స జనార్దనా నీ
సముక మెవ్వరి కబ్బు జనార్దనా IIచతుII

చవులాయ సరసాలు జనార్దనా పెండ్లి
చవికెలో మనకు జనార్దనా
సవరని వాఁడవు జనార్దనా మరి
సవతు లేరు నీకు జనార్దనాIIచతుII

సంకె దీరఁ గూడితివి జనార్దనా నీకు
చంక లెత్తి మొక్కేము జనార్దనా
జంకించకు శ్రవేంకట జనార్దనా
శంకుఁ జక్రములచేతి జనార్దనా।IIచతుII ౧౫-౨౩౯

0 comments

ఆసలు చెరుచకుమీ యచ్యుత

లలిత
ఆసలు చెరుచకుమీ యచ్యుత
ఆ సుద్దులె యీ సుద్దులు అచ్యుతా।

అలవాటే తొల్లే నీకు నచ్యుతా
అలుగము ఇంక నీతో నచ్యుతా
అలయకు మింక నీవు అచ్యుతా నిన్ను
నలమి పట్టెఁగాని యచ్యుతా। IIఆసలుII

ఆలసించఁ బనిలేదు అచ్యుతా
ఆలిమగనిసంధి నచ్యుతా
ఔలే నీ విట్టే యచ్యుతా
ఆలించి మమ్మేలితివి అచ్యుతా। IIఆసలుII

అసము దించకు మింక నచ్యుతా
అసురుసురై చిక్కితి మచ్యుతా
అసలు చెమటఁ గూడి యచ్యుతా రతి
యసుదా శ్రీవేంకటాద్రి యచ్యుతా। IIఆసలుII ౧౫-౨౩౮

0 comments

మా యింటికి రావోయి మాధవా

ఆహిరి
మా యింటికి రావోయి మాధవా
మాయలెల్లాఁ గంటి మిదె మాధవా। IIపల్లవిII

మచ్చు చల్లేవు వలపు మాధవా నేను
మచ్చిక లెల్లాఁ జేసితి మాధవా
మచ్చెము నీపై నిదె మాధవా యింక
మచ్చరపు చూపు నలో మాధవా। IIమా యింII

మఱుఁ గేల యింక నీకు మాధవా
మఱి నాకు దక్కితివి మాధవా
మఱచేవానిచేఁతలు మాధవా మాతో
మఱచు మాటే మనేవు మాధవా। IIమా యింII

మట్టులేని శ్రీవేంకట మాధవా కట్టు
మట్టుతో మమ్ముఁ గూడితి మాధవా
మట్టేవు మా కాళ్ళప్పటి మాధవా
మట్టె లియ్యఁ గదవోయి మాధవా। IIమా యింII ౧౫-౨౩౬

0 comments

కిందుపడి మొక్కకుమీ కేశవా

బౌళి
కిందుపడి మొక్కకుమీ కేశవా
కెందమ్మి రేకుఁ గన్నుల కేశవా. IIపల్లవిII

కేలు చాఁచే వింతలోనే కేశవా రతి
కేలికి మాయాడకే రా కేశవా
గేలి సేసేవేల మమ్ము కేశవా నీ
కేలు నా చేత నున్నది కేశవా IIకిందుII

గెరసు దాఁటకు వోయి కేశవా మంకుఁ
గెరలించేవు వలపు కేశవా
గిరికుచము లివిగో కేశవా నీకు
గిరపు వెట్టు కున్నదాన కేశవా IIకిందుII

కిలకిల నవ్వనేల కేశవా నీకు
కెలని వారమా నేము కేశవా
గిలిగించి కూడితివి కేశవా నాతోఁ
గెలసేవు శ్రీవేంకటకేశవా IIకిందుII ౧౫-౨౩౩

0 comments

Nov 28, 2008

ఏమి చిత్రం బేమి మహిమలు యేమి నీ మాయావినోదము

Get this widget | Track details | eSnips Social DNA


భూపాళం
ఏమి చిత్రం బేమి మహిమలు యేమి నీ మాయావినోదము
వామనాచ్యుత నిన్నుఁ దెలియఁగ వసుధలో మాతరములా। IIపల్లవిII

సకలలోకనివాసనాయక శౌరి మురహర నరహరీ
ప్రకటమాయెను నీ గుణంబులు పాలముచ్చ వటంచును
వికటముగ నినుఁ గన్నతల్లి వేల నీ వదనంబు మీఁటిన
అకట హా యని నోరుఁ దెరచిన యందు లోకము లుండెను। IIఏమిII

శ్రీసతీపతి దైత్యదానవశిక్ష కామర రక్షక
రాసి కెక్కెను బండిరొప్పిన రవ్వలా నీ సేఁతలు
మోసమున నర్జునుఁడు నీలో ముందు గానక మాటలాడిన
వాసవార్చిత విశ్వరూపము వసుధఁ జూపితి వవుదువు। IIఏమిII

నమో నమో శ్రీవేంకటేశ్వర నారదప్రియ భక్తవత్సల
విమలమగు నా దాసు లిదె నీ విద్య లెల్లాఁ జూచిరి
సుముఖులై కరి శబరి బలియును శుక ధ్రువాదులు నిన్నుఁ గొలువఁగ
సమత వున్నతపదము లొసఁగితి సర్వమిందునుఁ గంటిమి। IIఏమిII ౧౫-౨౧౬

0 comments

ధర్మో రక్షతి రక్షితః

ధర్మాన్ని రక్షించండి. అది మిమ్మల్ని రక్షిస్తుంది.

విషయసూచిక

నాకిష్టమైనవి

ప్రస్తుత వీక్షకులు

నా ప్రపంచం

అతిథి దేవో భవః

స్వపరిచయం

 
నరసింహ - Template By Blogger Clicks