నాహం కర్తాః హరిః కర్తా తత్పూజా కర్మ చాఖిలం తదాపి మత్కృతా పూజా తత్ప్రసాదేన నా అన్యథా

Showing posts with label వైరాగ్య సంకీర్తనలు. Show all posts
Showing posts with label వైరాగ్య సంకీర్తనలు. Show all posts

Nov 19, 2008

ఎక్కడి మానుషజన్మం బెత్తిన ఫలమే మున్నది

Get this widget | Track details | eSnips Social DNA

గానం-బాలకృష్ణప్రసాద్
బౌళి
ఎక్కడి మానుషజన్మం బెత్తిన ఫలమే మున్నది
నిక్కము నిన్నే నమ్మితి నీ చిత్తం బిఁకనూ. IIపల్లవిII

మఱవను ఆహారంబును మఱవను సంసారసుఖము
మఱవను ఇంద్రియభోగము మాధవ నీ మాయా
మఱచెద సుజ్ఞానంబును మఱచెద తత్త్వరహస్యము
మఱచెద గురువును దైవము మాధవ నీ మాయా. IIఎక్కడిII

విడువనుఁ బాపము పుణ్యము విడువను నా దుర్గుణములు
విడువను మిక్కిలి యాసలు విష్ణుఁడ నీ మాయా
విడిచెద షట్కర్మంబులు విడిచెద వైరాగ్యంబును
విడిచెద నాచారంబును విష్ణుఁడ నీ మాయా. IIఎక్కడిII

తగిలెద బహులంపటముల తగిలెద బహుబంధంబుల
తగులను మోక్షపు మార్గము తలఁపున యెంతైనా
అగపడి శ్రీవేంకటేశ్వర అంతర్యామివై
నగి నగి నను నీ వేలితి నాకా యీ మాయా. IIఎక్కడిII ౧౫-౩౮

తాళ్ళపాక పెద తిరుమలాచార్యుల అధ్యాత్మ సంకీర్తనల లోనిదీ సంకీర్తన.

అందమైన నడక.ఇంకా అందమైన పదాల అమరిక.అందమైన అనుప్రాస. విష్ణువు మీది అపరిమిత నమ్మకం.తను ఎన్ని బంధాలలో చిక్కుకున్నా అవి విష్ణుమాయ వలన తన్నేమీ చేయలేవనే గట్టి నమ్మకం.

0 comments

Oct 27, 2008

ఏమి చెప్పే దిది యీశ్వరమాయలు

శ్రీరాగం
ఏమి చెప్పే దిది యీశ్వరమాయలు
దీముప్రతిమకును త్రిజగముఁ గలిగె IIపల్లవిII

మలమూత్రంబులమాంసపుముద్దకు
కులగోత్రంబులగుఱి గలిగె
తొలులు తొమ్మిదగు తోలుఁదిత్తికిని
పిలువఁగఁ బేరునుఁ బెంపునుఁ గలిగె. IIఏమిII

నెత్తురునెమ్ములనీరుబుగ్గకును
హత్తిన కర్మము లటు గలిగె
కొత్తవెంట్రుకలగుబురులగంతికి
పొత్తులసంసారభోగము గలిగె. IIఏమిII

నానాముఖములనరములపిడుచకు
పూనినసిగ్గులు భువిఁ గలిగె
ఆనుక శ్రీవేంకటాధిపుఁ డేలఁగ
దీనికిఁ బ్రాణము తిరముగఁ గలిగె. IIఏమిII

0 comments

Jun 9, 2008

సడిఁ బెట్టెఁ గటకటా సంసారము!చూడ-

భైరవి

సడిఁ బెట్టెఁ గటకటా సంసారము!చూడ-
జలధిలోపలియీఁత సంసారము IIపల్లవిII

జమునోరిలో బ్రదుకు సంసారము!చూడ
చమురుదీసినదివ్వె సంసారము
సమయించుఁబెనుదెవులు సంసారము చూడ
సమరంబులో నునికి సంసారము IIసడిII

సందిగట్టినతాడు సంసారము చూడ
సందికంతలతోవ సంసారము
చందురునిజీవనము సంసారము చూడ
చంద మేవలెనుండు సంసారము IIసడిII

చలువలోపలివేఁడి సంసారము చూడ
జలపూఁతబంగారు సంసారము
యిలలోనఁ దిరువేంకటేశ నీదాసులకు
చలువలకుఁ గడుఁజలువ సంసారముIIసడిII1-199


ఈ సంసారము కటకటా అపకీర్తిని కలుగజేస్తుంది.అంతేకాక ఇది- అంటే ఈ సంసారము-సముద్రములో యీత,యముని నోటిలో ఉండే బతుకు,చమురు తీసివేసిన దీపం,చావు తెచ్చిపెట్టే పెద్దరోగం,యుద్దరంగము మధ్యలో ఉండటం లాంటిది,ఇరుకైన వీధిలో కట్టిన తాడు,ఇరుకైన ఎగుడుదిగుడు త్రోవ,వృద్ధి క్షయములతోనున్న చందమామ జీవనము,చందమేవలె(?)ఉండేది,చల్లదనం లోని వేడి,జలపూఁత(?)బంగారు,ఇంకా ఓ వేంకటేశ! ఈ భూమిపై నీ దాసులకు చలవచేసే అన్నిటికంటేకూడా ఇంకా చలవ చేసేది యీ సంసారము.

ధర్మో రక్షతి రక్షితః

ధర్మాన్ని రక్షించండి. అది మిమ్మల్ని రక్షిస్తుంది.

విషయసూచిక

నాకిష్టమైనవి

ప్రస్తుత వీక్షకులు

నా ప్రపంచం

అతిథి దేవో భవః

స్వపరిచయం

 
నరసింహ - Template By Blogger Clicks