ఇద్దరము నిద్దరమె హృషీకేశ

సామంతం
ఇద్దరము నిద్దరమె హృషీకేశ
యిద్దె సనకాన వచ్చె హృషీకేశ। IIపల్లవిII

ఏఁటికోయి మాతో హృషీకేశ
యీటు వెట్టేవు సతుల హృషీకేశ
యీటారదు మా పొందు హృషీకేశ నీపై
యేటి దియ్యమింక నేము హృషీకేశ। IIఇద్దII

ఇచ్చకు రాలను నేను హృషీకేశ నిన్ను
నెచ్చుకుందులాడఁ జాల హృషీకేశ
ఇచ్చితి వింత చనవు హృషీకేశ నీకు
నెచ్చరించే మరవకు హృషీకేశ। IIఇద్దII

యేల నీకు మఱుఁగులు హృషీకేశ
నీలాగునఁ గూడితివి హృషీకేశ
యేలితి శ్రీవేంకటాద్రి హృషీకేశ
యీ లీలనే వుండుమీ హృషీకేశ। IIఇద్దII ౧౫-౨౪౬