లలిత
కొసరి నీతోఁ బెనఁగి గునిసి మోక్ష మడుగ
వెస నీబంట నింతే నీవే దిక్కు నాకు. IIపల్లవిII
బలిమి నీ బిడ్డఁడైన బ్రహ్మంతవాఁడనా
అల సముద్రుడు మామ యంత వాఁడనా
చలువైన నీ మఱఁది చంద్రునంతవాఁడనా
యెలమి నీతోఁ బుట్టిన యింద్రునంతవాఁడనా. IIకొసరిII
చనువున మీ తండ్రి కశ్యపునంతవాఁడనా
అనుజుఁ డైన లక్ష్మణునంతవాఁడనా
మనవికి మీ బావ ధర్మజునంతవాఁడనా
అనుఁగుఁ దాతయైన భీష్మునంతవాఁడనా. IIకొసరిII
మనికైన యల్లుఁ డభిమన్యునంతవాఁడనా
అనిరుద్ధుఁడు మనుమఁడంతవాఁడనా
ఘనుఁడ శ్రీవేంకటేశ కల్పించి నీ వాడించఁగా
పనిపూని మెలఁగేటి ప్రతిమను నేను. IIకొసరిII ౧౫-౪౩౨
Dec 2, 2008
కొసరి నీతోఁ బెనఁగి గునిసి మోక్ష మడుగ
Subscribe to:
Post Comments (Atom)
0 comments:
Post a Comment