ఇది మనోహర కాంతి నింపైన బింబంబు, బింబంబు కాదిది బెడగు కెంపు

ఈ పద్యాన్నోసారి వీక్షించండి.

సీ.

ఇది మనోహర కాంతి నింపైన బింబంబు,

బింబంబు గా దిది, బెడగు కెంపు,

కెంపు గా దిది, తేఁటి యొంపని మంకెన,

మంకెన గా దిది, మంచి చిగురు,

చిగురు గా దిది, వింత జిగి హెచ్చు పగడంబు,

పగడంబు గా దిది, పానకంబు,

పానకం బిది గాదు, పలుచని చెఱకుపాల్,

చెఱకు పా లిది గాదు, కురజు తేనె,

గీ.
కురుజు తేనెయుఁ గా దిది, కుసుమ రసము,

కుసుమ రసమును గా దిది, గొనబు జున్ను,

జున్ను గా దిది, చవి గుల్కు సుధలదీని,

సుధల దీవియుఁ గా దిది సుదతి మోవి.,

ఎవరా సుదతి ? ఏమా కథ? ఏ కావ్యంలోని దీ పద్యప్రసూనం? ఎవరు వ్రాసిన కావ్యం అది ?

ఇటువంటి అందమైన పద్యాలు చదువుతుంటే ఎంత ఆనందం కలుగుతుంది ? అటువంటి ఆనందాన్ని పదుగురితో పంచుకోకుండా వుండ గలగటం ఎలా సాధ్యమో మీరే చెప్పండి.