|
లలిత
అని యానతిచ్చెఁ గృష్ణుఁ డర్జునునితో
విని యాతని భజించు వివేకమా. IIపల్లవిII
"భూమిలోను చొచ్చి సర్వభూతప్రాణులనెల్ల
దీమసాననే మోచేటి దేవుఁడ నేను
కామించి సస్యములు గలిగించి చంద్రుఁడనై
తేమల బండించేటి దేవుఁడ నేను. IIఅనిII
దీపనాగ్నినై జీవదేహముల యన్నములు
తీపుల నరగించేటి దేవుఁడ నేను
యేపున నిందరిలోనిహృదయములోన
దీపింతుఁ దలఁపు మరపై దేవుఁడ నేను. IIఅనిII
వేదము లన్నిటిచేతా వేదాంతవేత్తలచేతా
ఆది నే నెరఁగదగినయాదేవుఁడను
శ్రీ దేవితోఁ గూడి శ్రీవేంకటాద్రిమీఁద
పాదైనదేవుఁడను భావించ నేను." IIఅనిII ౨-౪౩౮
0 comments:
Post a Comment