నరసింహ: వర్ణన రత్నాకరము - క్షత్రియులు - అనిరుద్ధ చరిత్రము

Feb 25, 2014

సీ.

సముదీర్ణ చంద్రహాస కళా వినోదముల్, ముఖములందును రణోన్ముఖములందు

ధర్మగుణాను సంధానతా చతురతల్, శయములందును హృదాశయములందు

బుధగురు చక్రావన ధురీణ చిహ్నంబు, లాఖ్యలందు నిజాన్వయాఖ్యలందుఁ

బ్రకట పంచానన ప్రక్రియా విభవముల్, భటులందు విక్రమార్భటులయందు

గీ.

వెలయ వెలయుదు రనివార్య వీర్య శౌర్య, ధైర్య గాంభీర్య సమధికౌదార్యతుర్య

ధుర్యులైనట్టి బాహుజ వర్యు లెపుడు, సిరులఁ జెలువొందు నప్పుర వరమునందు.

సముదీర్ణ =గొప్పది అయిన

శయము=చేయి

హృదాశయము= హృదయమునందలి ఆశయము

చక్ర అవన ధురీణ చిహ్నము= చక్రమును కాపాడే బరువును మోసే యెద్దుయొక్క గుర్తు(?)

ఆఖ్య= పేరు

ఆ పురమేదో నాకు తెలియదు,నేను అనిరుద్ధ చరిత్ర చదవలేదు. కాని అనుప్రాస యెంత మనోహరంగా ఉందో కదా !

Posted by Unknown

నరసింహ