రాజీవనయను వరప్రసాదమునఁ దేజంబు మతియు నెంతే విస్తరిల్ల

అన్నమాచార్య చరిత్రము
అన్నమయ్య జననము

రాజీవనయను వరప్రసాదమునఁ
దేజంబు మతియు నెంతే విస్తరిల్ల

లక్కమాంబకుఁ బుణ్యలావణ్యనిధికిఁ
జక్కని గ్రహము లుచ్చమున మూఁడలర

ననుపమ లగ్నంబునందు వైశాఖ-
మున విశాఖను జగంబున నుల్లసిల్ల

జనియించె నన్నమాచార్యుండు శక్తి-
మునికిఁ బరాశరముని పుట్టినటులు;

జనకుఁడు కారణజన్ముఁడైనట్టి
తనయున కాగమోక్తప్రకారమున

జాతకర్మము చేసి సకలవేదాంత-
జాతచోదితమునై జలజోదరునకు

నామమై వినఁబరిణామమై మున్ను
హేమాంబరుం డానతిచ్చినయట్టి-

అన్నమయ్యాహ్వం బతనికి నొసగె;