శంకరాభరణం
నాకుఁ జెప్పరె వలపు నలుపో తెలుపో
నూకి పోవఁగరాదు నుయ్యో కొండో. II పల్లవిII
పొలఁతి మరునికి వెరవ పులియో యెలువో
వులుకుఁ దుమ్మిదమోఁత వురుమో మెరుమో
తిలకింపఁ జందనము తేలో పామో
యెలమిఁ గోవిలకూఁత యేదో పోదో. IIనాకుII
పొదలిన చలిగాలి పొగయో వగయో
వదలిన కన్నీరు వాఁగో వంతో
వుదరమునఁ బన్నీరు వుడుకో మిడుకో
యెదుటఁ దలవంచుకొను టెగ్గో సిగ్గో. IIనాకుII
అసమసరుపై పరపు టదనో పదనో
పసగలవానిమోవి పంచదారో తేనో
అసమగతి వానిరాక ఆదో పాదో
రసికు వేంకటేశు పొందు రాజ్యమో లక్ష్మో. IIనాకుII 5-193
మంధర దుర్బోధ : వనం జ్వాలా నరసింహారావు
16 hours ago
0 comments:
Post a Comment