యేలినవాఁడు తాను యే మనఁగల నేను

పాడి
యేలినవాఁడు తాను యే మనఁగల నేను
పోలించి తా నన్నూరకే పొగడీఁ గాక. IIపల్లవిII

పంత మాడ నెంతదానఁ బలుమారుఁ దనతోను
చెంతఁ దా నా చెప్పినట్టు సేసీ నని
వింతలుగా నందరితో విఱ్ఱవీఁగ నెంతదాన
కాంతుఁడు దా నిట్టే నాకుఁ గైవస మాయ నని. IIయేనిII

సేవ సేయ నెంతదాన చెలరేఁగి చెలరేఁగి
చేవమీఱ నా బత్తి చేకొనీ నని
వేవేలై న నా సుడ్డులు విన్నవించ నెంతదాన
దేవరవలెఁ దా విని తెలిసి మెచ్చీ నని. IIయేనిII

పెనగఁగ నెంతదాన ప్రియముతోఁ దనతోడ
ననుపునఁ దా నాతో నవ్వీ నని
యెనసి శ్రీవేంకటేశుఁ డే నలమేలుమంగను
పనిగొన నెంతదాన బడిఁ దా నున్నాఁ డని. IIయేనిII౧౨-౧౧౩