నాగవరాళి
వెగ్గల మింతా వృథా వృథా
తగ్గి పరులతో దైన్యములేలా. IIపల్లవిII
పెంచఁగఁబెంచఁగఁ బెరగీ నాసలు
తుంచఁగఁదుంచఁగఁ దొలఁగు నవి
కంచము కూడును కట్టిన కోకయు
వంచనమేనికి వలసినదింతే. IIవెగ్గలII
తడవఁగఁదడవఁగఁ దగిలీ బంధము
విడువఁగ విడువఁగ వీడునవి(ది?)
గుడిశలోన నొకకుక్కిమంచమున
వొడలు సగమునను వుండెడిదింతే. IIవెగ్గలII
మరవఁగమరవఁగ మాయలే యింతా
మురహరుఁదలచితే మోక్షము
నిరతి శ్రీవేంకటనిలయుఁడే కాయపు-
గరిమెల నిలిచిన కాణా చింతే. IIవెగ్గలII4-౨౪౨
మంధర దుర్బోధ : వనం జ్వాలా నరసింహారావు
2 days ago
1 comments:
రామ వర్మ ఈ పాటను చాలా గొప్పగా వినిపించారు వినండి.
http://www.youtube.com/watch?v=uSms3QpTFgk
Post a Comment