|
పాడి
ఎదుట నెవ్వరు లేరు యింతా విష్ణుమయమే
వదలక హరిదాసవర్గమైనవారికి. IIపల్లవిII
ముంచిన నారాయణమూర్తులే యీజగమెల్ల
అంచిత నామములే యీ యక్షరాలెల్లా
పంచుకొన్న శ్రీహరిప్రసాద మీరుచులెల్లా
తెంచి వేసి మేలు దాఁ దెలిసేటివారికి. IIఎదుII
చేరి పారేటి నదులు శ్రీపాదతీర్థమే
భారపు యీ భూమెతనిపాదరేణువే
సారపుఁగర్మములు కేశవుని కైంకర్యములే
ధీరులై వివేకించి తెలిసేటివారికి. IIఎదుII
చిత్తములో భావమెల్లా శ్రీవేంకటేశుఁడే
హత్తిన ప్రకృతి యెల్లా నాతనిమాయే
మత్తిలి యీతనికంటే మరి లే దితరములు
తిత్తి దేహపుబ్రదుకు తెలిసేటివారికి. IIఎదుII౧-౫౦౨
0 comments:
Post a Comment