సడిఁబెట్టెఁ గటకటా సంసారము చూడ

భైరవి
సడిఁబెట్టెఁ గటకటా సంసారము చూడ-
జడధిలోపలియీఁత సంసారము. IIపల్లవిII

జమునోరిలో బ్రదుకు సంసారము చూడ-
చమురుదీసినదివ్వె సంసారము
సమయించుఁబెనుదెవులు సంసారము చూడ
సమరంబులో నునికి సంసారము. IIసడిII

సందిగట్టినతాడు సంసారము చూడ
సందికంతలలోని సంసారము
చందురినిజీవనము సంసారము
చంద మేవలెనుండు సంసారము. IIసడిII

చలువలోపలివేఁడి సంసారము చూడ
జలపూఁతబంగారు సంసారము
యిలలోనఁ దిరువేంకటేశ నీదాసులకు
చలువలకుఁ గడుఁజలువ సంసారము. IIసడిII౧౯౯