ఈ ప్రచురణ నా నరసింహ బ్లాగులో 200వ ప్రచురణ. ఈ సందర్భంగా బ్లాగ్మిత్రులందరికీ నా శుభాకాంక్షలు. నా బ్లాగును ఆదరంతో వీక్షిస్తున్న మిత్రులందరికీ ఈ బ్లాగు మూలంగా నా హృదయపూర్వక ధన్యవాదాలు .
దేసాళం
తక్కిన చదువు లొల్ల తప్పనొల్లా
చక్కఁగ శ్రీహరి నీ శరణే చాలు. IIపల్లవిII
మోపులు మోవఁగ నొల్ల ములుగఁగ నొల్ల
తీపు నంజనొల్ల చేఁదు దినఁగ నొల్ల
పాపపుణ్యాలవి యొల్ల భవమునఁ బుట్టనొల్ల
శ్రీపతినే నిరతము చింతించుటే చాలు. IIతక్కిII
వడిగా బరువు లొల్ల వగరింప నేనొల్ల
వెడఁగు జీఁకటి యొల్ల వెలుఁగూ నొల్ల
యిడుముల వేఁడనొల్ల యెక్కువ భోగము లొల్ల
తడయక హరి నీ దాస్యమే చాలు. IIతక్కిII
అట్టె పథ్యము లొల్ల అవుషధము గొననొల్ల
మట్టులేని మణుఁగొల్ల మైల గానొల్ల
యిట్టె శ్రీవేంకటేశు నిరవుగ సేవించి
చుట్టుకొన్న యానందసుఖమే చాలు. IIతక్కిII ౪-౬౫
మనమందరం ఆ శ్రీహరినే శరణు వేడుదాం. ఆయనే మనందరికీ దిక్కూ మొక్కూ కూడా.
మంధర దుర్బోధ : వనం జ్వాలా నరసింహారావు
2 days ago
0 comments:
Post a Comment