|
మంగళకౌశిక
క్షీరాబ్ధి కన్యకకు శ్రీమహాలక్ష్మికిని
నీరజాలయమునకు(యకును?) నీరాజనం. IIపల్లవిII
జలజాక్షి మోమునకు జక్కవ కుచంబులకు
నెలకొన్న కప్పురపునీరాజనం
అలివేణితురుమునకు హస్తకమలంబులకు
నిలువుమాణిక్యముల నీరాజనం. IIక్షీరాII
చరణకిసలయములకు సకియరంభోరులకు
నిరతమగు ముత్తేలనీరాజనం
అరిదిజఘనంబునకు నతివనిజ(నత?)నాభికిని
నిరతి నానావర్ణనీరాజనం. IIక్షీరాII
పగటు శ్రీవేంకటేశుపట్టపురాణియై
నెగడు సతికళలకును నీరాజనం
జగతి నలమేల్మంగ చక్కఁ దనముల కెల్ల
నిగుడు నిజశోభనపు నీరాజనం. IIక్షీరాII ౨౦-౨౯౫
0 comments:
Post a Comment