నాట
సగము మానిసి రూపు సగము మెగము రూపు
అగణితప్రతాపుఁ డహోబలేశుఁడు. IIపల్లవిII
గద్దెమీఁద గూచున్నాఁడు కంబములోఁ బుట్టినాఁడు
కొద్దిమీరఁ గడునవ్వుకొంటా నున్నాఁడు
వొద్దనె శ్రీసతిసన్ను లొరయుచు నున్నవాఁడు
అద్దివో చూడరమ్మ అహోబలేశుఁడు. IIసగII
పెనుమీసాలవాఁడు పెదపెదగోళ్ళవాఁడు
ఘనునిఁగాఁ బ్రహ్లాదునిఁ గాచుకున్నాఁడు
మనసిచ్చిన సురలతో మాటలాడుచున్నవాఁడు
అనుపమతేజుఁడమ్మ అహోబలేశుఁడు. IIసగII
వేవేలుచేతులవాఁడు వెన్నెలచాయలవాఁడు
భావించి కొల్చినవారిపాలిటివాఁడు
శ్రీవేంకటగిరిమీఁదఁ జేరి భవనాశిదండ
నావల నీవల మించె నహోబలేశుఁడు.IIసగII౧౮-౨౦౯
ఏ మతం వద్ద ఎన్నెన్ని ఆస్తులు ఉన్నాయి?
1 day ago
0 comments:
Post a Comment