వేదములు నుతించఁగ వేడుకలు దైవారఁగ

శంకరాభరణం
వేదములు నుతించఁగ వేడుకలు దైవారఁగ
ఆదరించీ దాసుల మోహననారసింహుఁడు IIపల్లవిII

నెఱులజడలతోడ నిక్కుఁగర్ణములతోడ
కుఱుచకొమ్ములతోడ కోఱలతోడ
వుఱక సిరిఁ దొడపై నుంచుక సింహాసనాన
మెఱసీఁ బ్రతాపములు మేటి నారసింహుఁడు. IIవేదII

నిడుప మీసాలతోడ నిట్టూరుపులతోడ
మిడిగుడ్లతోఁ దెల్లనిమేనితోడ
వొడలసొమ్ములు వెట్టి వొడ్డోలగమై వుండి
కడు మంచివరాలిచ్చీ ఘననారసింహుఁడు. IIవేదII

చిలుకుగోళ్ళతోడ సెలవి నవ్వులతోడ
బలుజిహ్వతోడ యోగపట్టెముతోడ
అలరి శ్రీవేంకటాద్రి నహోబలగిరిని
అల ప్రంహ్లాదునిఁ గాచె నాదినారసింహుఁడు. IIవేదII ౨-౨౭౮