|
సాళంగనాట
జయ జయ నృసింహ సర్వేశ
భయహర వీర ప్రహ్లాదవరద IIపల్లవిII
మిహిరశశినయన మృగనరవేష
బహిరంతస్థలపరిపూర్ణ
అహినాయకసింహాసనరాజిత
బహుళ గుణగణ ప్రహ్లాదవరద IIజయII
చటుల పరాక్రమ సమఘనవిరహిత
నిటలనేత్ర మౌనిప్రణుత
కుటిలదైత్యతతి కుక్షివిదారణ
పటువజ్రనఖ ప్రహ్లాదవరద IIజయII
శ్రీ వనితాసంశ్రిత వామాంక
భావజకోటిప్రతిమాన
శ్రీవేంకటగిరిశిఖరనివాస
పావనచరిత ప్రహ్లాదవరద IIజయII౨-౨౬౮౯
0 comments:
Post a Comment