వర్ణన రత్నాకరము-3(రసికజన మనోరంజనము)

వర్ణన రత్నాకరము - వనవిహారము - పుష్పాపచయము సీ. వడిఁ బొన్నఁ విరిబోణి విరిఁగోసి యొడిఁబెట్టె నొక్కతె, పొక్కిలితో సరి పోల్చుకరణి వెసఁగోసి సంపంగి విరిని మూర్కొనె నోరు, ముక్కు తోడను సరిపోల్చుకరణి చిగురుజొంపము ద్రుంచి చేతఁ దాల్చె నొకర్తు, పొరిఁ గేలితో సరి పోల్చుకరణి మొగలిరేకులు గోట ముట్టిగిల్లె నొకర్తు, మొగి గోళ్ళతో సరిపోల్చుకరణి గీ. దొండపండును గొఱికె నాతుక యొకర్తు, పొసఁగఁ గెమ్మోవితో సరిపోల్చుకరణి తీవ మెయినంటఁ జేయెత్తి తిగిచె నొకతె, పూని నెమ్మేనితో సరిపోల్చుకరణి.                                                  రసికజన మనోరంజనము, అ 3, పద్య 26.