నాగ వరాళి

దైవము నెరఁగము తత్వము దలఁచము

చేవై హరి రక్షించీ నిదివో                 11పల్లవి11

పాపముఁబుణ్యముఁ బైకొను దేహము

కోపము శాంతపుగుణములది

వోపిక వోపము లుదుటు చూపెడిది(వి?)

చే పట్టుక యిటు చెలఁగే మిదివో         11దైవ11

వెలికిని లోనికి విడిసేటి ప్రాణము

చలువలు వేండ్లు చల్లెడిది

తెలివికి నిదురకుఁ దేపై యున్నది

బలిమిఁ జే పట్టుక బ్రదికే మిదివో         11దైవ11

పరమును నిహమునుఁ బట్టిన జీవుఁడ

పొరుగుకు నింటికిఁ బొత్తైతి

గరిమల శ్రీ వేంకటపతి శరణని

నిరతపు మహిమల నెగడే మిదివో      11దైవ11        4-294