ముద్దులు మోమున ముంచఁగను

ముద్దులు మోమున ముంచఁగను నిద్దపు కూరిమి నించీని II పల్లవిII మొల చిరుఘంటలు మువ్వలు గజ్జలు ఘలఘలమనఁగాఁ గదలఁగను ఎలనవ్వులతో నీతఁడు వచ్చి జలజపుచేతులు చాఁచీని IIముద్దుII అచ్చపుఁ గుచ్చుముత్యాల హారములు పచ్చల చంద్రాభరణములు తచ్చిన చేతుల తానె దైవమని అచ్చట నిచ్చట నాడీని IIముద్దుII బాలుఁడు కృష్ణుఁడు పరమపురుషుఁడు నేలకు నింగికి నెరిఁబొడవై చాలించి ( చాల ?) వేంకటాచలపతి దానై మేలిమి సేఁతల మించీని. IIముద్దుII  5-303