నాదరామక్రియ
చెలియకు విరహపు వేదన చేయని సింగారంబిది
సొలవక వలపుల ముద్రల చొప్పులు మాపకుఁడీ. IIపల్లవిII
కిక్కిరిసిన చనుగుబ్బలు గీఁటిన పగిలెడి నయ్యో
పక్కనఁ గనుకలి దాఁకీ బయ్యెద దెరవకుఁడీ
వెక్కసమగు ముఖకాంతికి వెడవెడ మరుఁగై తోఁచెడి
చెక్కుల చెమటలు గందెడి చేతులు వెట్టకుఁడీ. IIచెలిII
అంగన మేనికిఁ బులకలు అడ్డము దోఁచెడి నయ్యో
బంగరు మొలకలవంటివి పై పైఁ దుడువకుఁడీ
తొంగలి రెప్పల కెలఁకుల తొరిగెడి కన్నుల మెరుఁగుల
ముంగిట వేసిన చూపుల మురిపెము మానుపుఁడీ(?) IIచెలిII
తిరువేంకటపతి నింతికిఁ దెచ్చెదమనఁగా నయ్యో
కరుణించిన వాఁడాతఁడె కళవళమందకుఁడీ
తరుణీమణి మా దేవునిఁ దగఁ గౌఁగిట సౌఖ్యంబుల
పరవశమందినదేమో పలుమరుఁ బిలువకుఁడీ. IIచెలిII 5-80
Jun 6, 2009
చెలియకు విరహపు వేదన చేయని సింగారంబిది
Subscribe to:
Post Comments (Atom)
2 comments:
nada 'rama' kriya kaadu mastaaru ... nadanaamakriya ... audio pedithe vini santoshinche vallam ! manchi paata parichayam chesinanduku kritagnatalu.
శ్రీగారూ
కామెంటినందుకు ముందుగా ధన్యవాదాలు. నాకు సంగీతంలో ఓనమాలు కూడా తెలియవు. కాని నాదగ్గరవున్న టి.టి.డి. వారి తాళ్ళపాక పద సాహిత్యము పుస్తకాలన్నింటిలోనూ నాదరామక్రియ అనే ఉన్నది. వారి కాలంలో అలా ఉండి తరువాతి కాలంలో ఏమైనా మార్పుచేర్పులు జరిగి పేరు మారి ఉండవచ్చేమో నాకు తెలియదు. సంగీతజ్ఞులైనవారు తేల్చాల్సిన విషయం యిది.
esnips లో ఎక్కడైనా దొరికితే ఆడియో జత చేస్తుంటాను.కాని ఈ పాటకి దొరకలేదు.
Post a Comment