|
శ్రీరాగం
రామచంద్రుఁడితఁడు రఘువీరుఁడు
కామితఫలములియ్యఁ గలిగె నిందరికి. IIపల్లవిII
గౌతముభార్యపాలిటి కామధేనువితఁడు
ఘాతలఁ గౌశికుపాలికల్పవృక్షము
సీతాదేవిపాలిటిచింతామ ణీతఁడు
యీతఁడు దాసులపాలియిహపరదైవము. IIరామII
పరగ సుగ్రీవుపాలిపరమబంధుఁ డీతఁడు
సరి హనుమంతుపాలిసామ్రాజ్యము
నిరతి విభీషణునిపాలినిధానము( నీతడు)
గరిమ జనకుపాలిఘనపారిజాతము. IIరామII
తలఁప శబరిపాలితత్వపురహస్యము
అలరి గుహునిపాలిఆదిమూలము
కలఁడన్నవారిపాలికన్ను లెదుటిమూరితి
వెలయ శ్రీవేంకటాద్రివిభుఁ డీతఁడు. IIరామII ౪-౧౪౭
2 comments:
శ్రీ రామనవమి శుభాకాంక్షలు.
శ్రీ రాముడి కుటుంబం,మీ కుటుంబాన్ని చల్లగా చూడాలని కోరుకొంటూ శ్రీరామనవమి శుభాకాంక్షలు.
Post a Comment