మాళవి
అన్నియు నాయందే కంటి నన్నిటివాఁడా నేనే
మున్నె నాభావముతో ముడిచివేసినది. IIపల్లవిII
చెలఁగి సంసారమే చింతించి సంసారినైతి
ములిగి ముక్తిదలఁచి ముక్తుఁడనైతి
పలుమతాలు దలఁచి పాషండబుద్ధినైతి
చెలఁగి శ్రీపతిఁ దలఁచి వైష్ణవుఁడనైతి. IIఅన్నిII
పొసఁగ బుణ్యముసేసి పుణ్యాత్ముఁడనైతి
పసలఁ బాపముచేసి పాపకర్ముఁడనైతి
వెస బ్రహ్మచారినైతి వేరె యాచారమున
మునిపి మరొకాచారమున సన్యాసినైతి. IIఅన్నిII
వొగి నొడ్డెభాషలాడి వొడ్డెవాఁడనైతిని
తెగి తెలుఁగాడ నేర్చి తెలుఁగువాడనైతి
అగడై శ్రీవేంకటేశ అన్నియు విడిచి నేను
తగు నీదాసుడనై దాసరి నే నైతి. IIఅన్నిII ౩-౩౭౯
Mar 3, 2009
అన్నియు నాయందే కంటి నన్నిటివాఁడా నేనే
Subscribe to:
Post Comments (Atom)
0 comments:
Post a Comment