ప్రతిలేని పూజ దలఁపఁగఁ గోటిమణుఁగులై

శ్రీరాగం
ప్రతిలేని పూజ దలఁపఁగఁ గోటిమణుఁగులై
అతివ పరవశము బ్రహ్మానందమాయ. IIపల్లవిII

మానినీమణి మనసు మంచి యాసనమాయ-
నానందబాష్పజలమర్ఘ్యాదులాయె-
మీనాక్షికనుదోయి మించుదీపములాయ-
నాననసుధారసంబభిషేకమాయ. IIప్రతిII

మగువ చిరునవ్వులే మంచిక్రొవ్విరులాయ
తగుమేనితావి చందనమలఁదుటాయ
నిగనిగని తనుకాంతి నీరాజనంబాయ
జగడంపుటలుకలుపచారంబులాయ. IIప్రతిII

ననుపైన పొందులే నైవేద్యతతులాయ
తనివోని వేడుకలు తాంబూలమాయ
వనిత తిరువేంకటేశ్వరుని కౌఁగిటఁజేయు-
వినయవివరంబులరవిరిమొక్కులాయ. IIప్రతిII౫-౩౦౧