|
శ్రీరాగం
వెట్టి వలపు చల్లకు విష్ణు మూరితి నాతో
వెట్టి దేర మాటాడు విష్ణు మూరితి. IIపల్లవిII
వినయము సేసేవు విష్ణు మూరితిఁ నీవు
వెనకటివాఁడవే కా విష్ణు మూరితి
వినవయ్య మా మాఁట విష్ణు మూరితి మమ్ము
వెనుకొని పట్టకుమీ విష్ణు మూరితి. IIవెట్టిII
వెరవు గలవాఁడవు విష్ణు మూరితి నేఁడు
వెరగైతి నిన్నుఁ జూచి విష్ణు మూరితి
విరివాయ నీ మాయలు విష్ణు మూరితి నాకు
విరు లిచ్చేవప్పటిని విష్ణు మూరితి. IIవెట్టిII
వెలసె నీ చేతలెల్లా విష్ణు మూరితి మా
వెలుపల లోన నీవె విష్ణు మూరితి
వెలలేని శ్రీవేంకట విష్ణు మూరితి కూడి
విలసిల్లితివి నాతో విష్ణు మూరితి. IIవెట్టిII ౧౫-౨౪౧
0 comments:
Post a Comment