రామక్రియ
శరణు శరణు నీకు సర్వేశ్వరా నీ
శరణాగతే దిక్కు సామజవరదా. IIపల్లవిII
వేయి శిరసులతోడి విశ్వరూపమా
బాయట నీ పరంజ్యోతి పరబ్రహ్మమా
మ్రోయుచున్న వేదముల మోహనాంగమా
చేయి చేత అనంతపు శ్రీమూరితి. IIశరణుII
ముగురు వేల్పులకు మూలకందమా
వొగి మునుల ఋషుల వోంకారమా
పగటు దేవతలకు ప్రాణబంధుఁడా
జగమెల్లాఁ గన్నులైన సాకారమా. IIశరణుII
వెలయు సచ్చిదానంద వినోదమా
అలరు పంచవింశతి యాత్మతత్వమా
కలిగిన దాసులకు కరుణానిధీ
చెలఁగి వరమిచ్చే శ్రీవేంకటేశుఁడా. IIశరణుII ౧౫-౨౧౯
కులాలు బ్రిటిష్ వారి సృష్టా?
2 days ago
0 comments:
Post a Comment