ముయికి ముయాయ నిదే ముచ్చట లిద్దరికిని

శంకరాభరణం
ముయికి ముయాయ నిదే ముచ్చట లిద్దరికిని
నయముల మీ యెడకు నవ్వు లేమి నవ్వము IIపల్లవిII

చింతాజలధిలోన చెలి పవళించె నాడ
పంతమునఁ బాలవెల్లిఁ బవళించితివి నీవు
వంతునకు వంతాయ వగవఁగాఁ బనిలేదు
యెంతకెంత యిఁక మీతో యెడమాట లాడము. IIముయికిII

విరహానలములోన వెలఁదికి నిరవాయ
అరిది రవిమండల మదే నీకు నిరవాయ
సరికి సరి యాయ మిమ్ము సాధింపఁ బనిలేదు
తరమిడి నిక మిమ్ము తగుఁ దగ దనము. IIముయికిII

రచనల యింతి మనోరథములకొండ లెక్కె
నిచట శ్రీవేంకటాద్రి యెక్కితి వీవు
పచరించ సమరతిబంధము లిద్దరి కాయ
యెచటా దేవుఁడవు నిన్ను యెన్నడును దూరము. IIముయికిII ౧౭-౨౬౩

ముయికి ముయి
తరమిడి
రచనల
పచరించ