దేవుఁడుగలవారికి దిగులుఁ జింతయు లేదు

Get this widget | Track details | eSnips Social DNA

శంకరాభరణం
దేవుఁడుగలవారికి దిగులుఁ జింతయు లేదు
శ్రీవిభుఁడే అన్నిటా రక్షించుఁగనక IIపల్లవిII

యేలికగల బంటుకు యేవిచారములేదు
వోలి మగఁడుగలాలికి వొప్పమి లేదు
పోళిమిఁ దండ్రిగలపుత్రుని కంగద లేదు
మేలుగాఁ బండినభూమికిఁ గరవు లేదు. IIదేవుఁడుII

బలముగలరాజుకు భయమేమియు లేదు
కలిమిగలవాని కక్కర లేదు
యిల నాచారవంతుని కేపాపమును లేదు
తలఁపుఁ బుణ్యముగల ఆతనికిఁ జేటు లేదు. IIదేవుఁడుII

గురువుగలవానికిఁ గొఱఁత యేమియు లేదు
పరముగలవానికి భ్రాంతులు లేవు
యిరవై శ్రవేంకటేశుఁ డిన్నిటా మాకుఁ గలఁడు
అరయ దాసులము మా కడ్డాఁకే లేదు. IIదేవుఁడుII ౨-౨౫౪

అంగద= ఆకలి,దుఃఖము
అడ్డాకు=?