సాళంగనాట
పంతము దప్పదు నీకు ప్రద్యుమ్నా వొక్క
బంతిఁ గూడేవు సతుల ప్రద్యుమ్నా। IIపల్లవిII
బలబలఁ దెల్లవారె ప్రద్యుమ్నా యింక
బలిమి సేయ వచ్చేవు ప్రద్యుమ్నా
పలచనాయె సిగ్గులు ప్రద్యుమ్నా నీ
పలుసోకుల వలెనే ప్రద్యుమ్నా। IIపంతముII
పచ్చలాయె కట్టేవు ప్రద్యుమ్నా
బచ్చెన ప్రియాలు చూపి ప్రద్యుమ్నా
బచ్చుబేరాలసటల ప్రద్యుమ్నా నీ
పచ్చడ మంటించేవు ప్రద్యుమ్నా। IIపంతముII
పదరకు మింక నీవు ప్రద్యుమ్నా మా
బదుకు నీ చేతిది ప్రద్యుమ్నా
పదనై శ్రీవేంకటాద్రి ప్రద్యుమ్నా నన్నుఁ
బదిమారులు గూడితి ప్రద్యుమ్నా। IIపంతముII ౧౫-౨౫౦
Nov 30, 2008
పంతము దప్పదు నీకు ప్రద్యుమ్నా
Subscribe to:
Post Comments (Atom)
0 comments:
Post a Comment