శంకరాభరణం
బందుగుఁడ వన్నిటాను పదుమనాభ వట్టి
బందెలు గట్టకు మమ్ము పదుమనాభ। IIపల్లవిII
పట్టిన చలపాదివి పదుమనాభ మమ్ము
బట్టబయలీఁదించేవు పదుమనాభ
పట్టితి బలిమి నన్నుఁ పదుమనాభ యింకా
బట్టము గట్టుకొనేవు పదుమనాభ। IIబందుII
పాటలు వాడేవు యీడ పదుమనాభ ఆ
పాటివారమా విన పదుమనాభ
పాటిగంప నీళ్ళు నించేవు పదుమనాభ బండి
బాటలాయె నీ గుట్టు పదుమనాభ। IIబందుII
పలికినట్టే యాయె పదుమనాభ
బలవంతుఁడవు నీవు పదుమనాభ
పలుమారుఁ గూడితివి పదుమనాభ యిదె
ఫలమా శ్రీవేంకట పదుమనాభ। IIబందుII ౧౫-౨౪౭
Nov 30, 2008
బందుగుఁడ వన్నిటాను పదుమనాభ వట్టి
Subscribe to:
Post Comments (Atom)
0 comments:
Post a Comment